{"id":610,"date":"2016-03-18T12:06:52","date_gmt":"2016-03-18T11:06:52","guid":{"rendered":"http:\/\/romanarmy.eu\/?p=610"},"modified":"2016-03-18T12:06:52","modified_gmt":"2016-03-18T11:06:52","slug":"unha-paisaxe-arqueoloxica-asolagada-aquae-querquennae-bande-ourense","status":"publish","type":"post","link":"http:\/\/romanarmy.eu\/as\/2016\/03\/18\/unha-paisaxe-arqueoloxica-asolagada-aquae-querquennae-bande-ourense\/","title":{"rendered":"Un paisaxe arqueol\u00f3xicu inund\u00e1u: Aquae Querquennae (Ourense)"},"content":{"rendered":"

\"port\"<\/a><\/p>\n

El 5 de xunu del 1921. Espa\u00f1a mira con cansanciu la escalada de violencia colonial qu’acabar\u00e1 col renombr\u00e1u\u00a0desastre d’Annual<\/a>. La situaci\u00f3n, como ye normal, resuena na Galicia rural como un eco tov\u00eda m\u00e1s llonxanu, onde los d\u00edas finales de la primavera nun conocen otra revoluci\u00f3n que l’orbayu que cai dacuando. Sicas\u00ed, el sitiu tranquilu de “A Cibdade”, na oriella norte del r\u00edu Limia, recibe una visita poco habitual. Esta vez nun van a escavar solo los vecinos de Portoquintela o Ba\u00f1os de Bande, ac\u00e9rquense tami\u00e9n cuatro figures particularmente bien vest\u00edes. Tr\u00e1tase de los ourensanos Ram\u00f3n Otero Pedrayo, Florentino L\u00f3pez Cuevillas y Vicente Risco, intelectuales galleguistas destacaos que lleguen acompa\u00f1aos del avog\u00e1u Farruco Pena, natural del conceyu de Bande.<\/p>\n

<\/p>\n

\"Miembros<\/a>
Miembros del Seminario de Estudos Galegos nel 1928, nes Ruinas de San Domingos de Pontevedra. D’esquierda a derecha, R. Otero Pedrayo, F. L\u00f3pez Cuevillas y V. Risco. Fonte: Fundaci\u00f3n Otero Pedrayo<\/a>.<\/figcaption><\/figure>\n

El mal tiempu nun-yos quita l’af\u00e1n y, n’acabando la xornada, la cata abierta polos vecinos dexa destap\u00e1u un muru bien fechu y dalgunos restos cer\u00e1micos. Al parecer, ye lo normal nel sitiu, pero abondo pa que nel n\u00famberu 5 da revista N\u00f3s<\/a>\u00a0los intelectuales aventuren tar nos restos de la mansio “Aquis Querquennis” mencionada pol Itinerariu d’Antonino.<\/p>\n

\"Art\u00edculo<\/a>
Art\u00edculu de L\u00f3pez Cuevillas nel n\u00famberu 9 de la revista N\u00f3s.<\/figcaption><\/figure>\n

Otra visita nueva unos pocos meses depu\u00e9s (09\/10\/1921), tov\u00eda permitir\u00e1 aumentar estes expectatives optimistes. La escavaci\u00f3n d’una “zanxa” m\u00e1s grande permitir\u00e1 atopar una cerca imponente. Esto, xunto a la gran extensi\u00f3n pela que se documentaben les evidencies arqueol\u00f3xiques, fair\u00e1 que Cuevillas asegure nun n\u00famberu nuevu de N\u00f3s<\/a>\u00a0que t\u00e1bemos delantre d’una ciud\u00e1 “romana ou celto-romana”. A partir d’ent\u00f3s, el xacimientu va pasar a formar parte de los cat\u00e1logos eruditos habituales de la \u00e9poca y incluso entrar\u00e1 nel “tour” que realizar\u00e1 la Comisi\u00f3n Provincial de Monumentos de Orense pela zona en 1935.<\/p>\n

\"Construcci\u00f3n<\/a>
Construcci\u00f3n del embalse d’As Conchas (1945), durante la que morri\u00f3 un trabayador enterr\u00e1u pol hormig\u00f3n, seg\u00fan afirmen. Fotos sacaes d’equ\u00ed<\/a>.<\/figcaption><\/figure>\n

Con too y con ello, nun se van producir intervenciones arqueol\u00f3xiques nueves durante estos a\u00f1os. L’entamu de la Guerra Civil (1936-39) complic\u00f3 cualquier empresa nesti sen. Per un llau, depu\u00e9s de la guerra produci\u00f3se la desarticulaci\u00f3n de les elites intelectuales gallegues; per otru, asistimos a un escenariu nuevu onde pol\u00edtiques y necesidaes<\/a>\u00a0diferentes sobrepunx\u00e9ronse al inter\u00e9s cultural, ecol\u00f3xico o patrimonial.\u00a0Como asocedi\u00f3 en munchos otros sitios<\/a>, entre los planes del gobiernu franquista contempl\u00e1base la construcci\u00f3n d’un embalse n’As Conchas y la inundaci\u00f3n d’una parte importante del valle del r\u00edu Limia.<\/p>\n

\"inaug\"<\/a>
Inauguraci\u00f3n del embalse por F. Franco nel 1949 (esquierda<\/a>). L’embalse y les casetes del Poblado de As Conchas nel 1957 (derecha<\/a>).<\/figcaption><\/figure>\n

Nel 1948 el llugar de Ba\u00f1os de Bande y\u00e1 taba embaxo l’agua. Los sos vecinos fueran reubicaos n’instalaciones provisionales y una corriente d’expropiaciones, repartos y reparcelaciones de tierres punxera pates arriba la rex\u00f3n. La revisi\u00f3n de les Series A (1945-46) y B (1956-57) del Vuelu Americanu perm\u00edtenos comprobar el tama\u00f1u f\u00edsicu d’estos cambios, pero nun s’alter\u00f3 solo esti espaciu: d’un d\u00eda pa otru reventaron les din\u00e1miques socioculturales<\/a>\u00a0d’un bon n\u00famberu de comunidaes rurales.<\/p>\n