Depués de varies experiencies investigadores en zones diferentes del noroeste ibéricu valoramos les potencialidaes y limitaciones de diverses técniques nun rangu ampliu de terrenos, probando de manera eficiente la so utilidá pa la prospección arqueolóxica. Nesti trabayu, presentáu nel congresu Genius Loci: lugares e significados, amostramos y presentamos pa debate una propuesta metodolóxica pa la detección y estudiu de restos estructurales relacionaos cola presencia militar romana nesti territoriu.

La metodoloxía propuesta básase nel uso combináu de varies ferramientes d’accesu fácil pa cualquier investigador (fotografía aérea histórica y actual, LiDAR, SIX, cartografía, prospección de campu, atención a la toponimia y el folklore tradicional…). P’acabar, exponemos tamién una serie de propuestes de divulgación d’esti patrimoniu arqueolóxicu y cultural tan interesante. Agora ofrecemos la intervención del nuestru compañeru Andrés Menéndez exponiendo estes cuestiones.

Tamién podéis descargar equí la presentación completa en pdf.