El nuestru compañeru João Fonte participó nel mes pasáu de mayu del 2016 (17-20) nel TRAIL 2016 (Training and Research on the Archaeological Interpretation of LiDAR) que se celebró en el Domaine National de Chambord (Loir-et-Cher, Francia). Ellí tuvo la oportunidá d’interactuar colos especialistas europeos más importantes y de deprender sobre l’aplicación del LiDAR aéreo pal estudiu de los paisaxes arqueolóxicos. Trátase de la edición tercera d’esta “international meeting on LiDAR applications for archaeology”.

Continue Reading

Con tol sucre consumío pela Navidá, tuviemos enerxía abonda pa realizar dalgún trabayu de campu. Aprovechamos la vuelta a casa nesti tiempu de fiesta pa movenos a les tierres transmontanes, en concreto al conceyu de Vinhais.

Continue Reading

Menendez_et_al_Tras_las_huellas_Genius Loci_pt2

Depués de varies experiencies investigadores en zones diferentes del noroeste ibéricu valoramos les potencialidaes y limitaciones de diverses técniques nun rangu ampliu de terrenos, probando de manera eficiente la so utilidá pa la prospección arqueolóxica. Nesti trabayu, presentáu nel congresu Genius Loci: lugares e significados, amostramos y presentamos pa debate una propuesta metodolóxica pa la detección y estudiu de restos estructurales relacionaos cola presencia militar romana nesti territoriu.

Continue Reading

Páginas desdeAARGnews52

Nel númberu últimu de la revista AARGnews, qu’edita l’Aerial Archaeology Research Group (AARG) publícase un novo artigo asinado por todos nós. publícase un artículu nuevu firmáu por toos nós. Nél preséntase la metodoloxía que venimos aplicando pa la detección y estudiu de los asentamientos militares romanos na Península Ibérica, por medio de la combinación de fotografía aérea histórica y reciente, imáxenes de satélite, LiDAR aéreo, Sistemas d’Información Xeográfica y técniques de prospección superficial. De la mesma manera, puede considerase la presentación en sociedá a escala internacional del proxectu romanarmy.eu.

Continue Reading

Esti ye’l trabayu que presentamos nel 23. Limes Congress, celebráu n’Ingolstadt (Alemaña) en setiembre del 2015. Ellí amostramos el resultáu d’una investigación desenvuelta estos años últimos alredor de la presencia militar romana nel Noroeste d’Iberia y cómo la perspectiva historiográfica sobre la materia tien cambiao gracies a técniques de teledetección como l’emplegu de la fotografía aérea y satelital, o’l revolucionariu LiDAR aéreo. Esti sitiu web presenta una visión nueva de les campañes militares romanes nel contextu de la conquista y reorganización posterior del Noroeste peninsular.

Anque l’audio del video ta n’inglés puedes cambiar l’idioma de los subtítulos a gallegu, castellanu y portugués seleccionando na ruedina d’engranaxe de la esquina inferior derecha. Al ser un video interactivu tamién puedes descargar arquivos KMZ con información gráfica adicional pa caún de los sitios arqueolóxicos de los que falamos. Has tener instaláu’l software Google Earth p’abrir y ver estos ficheros.

Nesta páxina tamién puedes ver destacaes dalgunes de les conclusiones más interesantes derivaes de la presentación pública d’estos diecisiete asentamientos militares romanos.