Les guerres cantabro-ástures son ún de los conflictos qu’espertaron más atención na historiografía española dende los sos inicios. Nos años últimos, los enormes avances producíos nel ámbitu de l’arqueoloxía militar romana supunxeron una transformación notable de los estudios sobre la materia. Sicasí, con frecuencia los análisis fueron positivistas abondo y nun afondaron nes dimensiones sociopolítica y cultural de la guerra.
L’obxectivu del artículu “Las Campañas augusteas en el Noroeste peninsular: acción militar y propaganda”, publicáu va poco nel númberu 5 de la Revista Arkeogazte, nun ye presentar una visión nueva del conflictu nel so conxuntu, sinón intentar, per un llau, revalorizar la información contenida nes fontes literaries y, pel otru, desentrañar los aspectos socioculturales, ideolóxicos y propagandísticos que la convierten nuna manifestación singular dende la óptica romana.
Equí vais poder atopar l’artículu enteru pa la so lectura.
Pingback: O campamento de A Serra da Casiña (Valboa, León) | O exército romano no NW de Hispania