Nel númberu últimu de la revista Nailos, editada pola Asociación de Profesionales Independientes de la Arqueología de Asturias (APIAA), publicóse estos díes un artículo del nuestru compañeru José Costa sobre los campamentos de Castrucarbón (Llión).
Publicaciones
Una ventana abierta
El pasáu día 12/05/16 el Consello da Cultura Galega acoyó la xornada quinta de los Alcuentros col Patrimoniu Cultural. Los compañeros José Costa, Manuel Gago, Andrés Menéndez y João Fonte presentaron el proxectu Romanarmy.eu al traviés de cuatro ponencies. Depués, hubo un debate interesante col públicu asistente y colos coordinadores de l’actividá, Rebeca Blanco-Rotea y Iago Seara, miembros de la Sección de Patrimonio e Bens Culturais del Consello. Por xentileza del Consello da Cultura Galega dexamos equí’l vídeo de les Xornaes completes o, si preferís, podéis pinchar nes imáxenes p’acceder directamente a les partes que vos interesen.
Castra Oresbi: ¿un asentamientu militar romanu na Serra do Marão?
Lino Tavares Dias y António Baptista Lopes falen de la existencia d’un campamentu militar romanu no alto de la Serra do Marão (Portugal), definíu por un recintu rectangular al que taría asociada una torre de planta cuadrangular. Esti campamentu posible (l’únicu catalogáu como tal nel Norte de Portugal) identificóse gracies a una inscripción grabada nuna peña que ta localizada cerca d’ellí: Castra Oresbi. Con too y con eso, los datos arqueolóxicos presentaos son tan probes que fixeron que dellos autores (como C. M. Martins) discutiesen esta interpretación. Continue Reading
Tres los restos del exércitu romanu: una propuesta metodolóxica pa la detección d’asentamientos militares romanos nel noroeste peninsular
Depués de varies experiencies investigadores en zones diferentes del noroeste ibéricu valoramos les potencialidaes y limitaciones de diverses técniques nun rangu ampliu de terrenos, probando de manera eficiente la so utilidá pa la prospección arqueolóxica. Nesti trabayu, presentáu nel congresu Genius Loci: lugares e significados, amostramos y presentamos pa debate una propuesta metodolóxica pa la detección y estudiu de restos estructurales relacionaos cola presencia militar romana nesti territoriu.
Sobrevolando los asentamientos militares romanos
Nel númberu últimu de la revista AARGnews, qu’edita l’Aerial Archaeology Research Group (AARG) publícase un novo artigo asinado por todos nós. publícase un artículu nuevu firmáu por toos nós. Nél preséntase la metodoloxía que venimos aplicando pa la detección y estudiu de los asentamientos militares romanos na Península Ibérica, por medio de la combinación de fotografía aérea histórica y reciente, imáxenes de satélite, LiDAR aéreo, Sistemas d’Información Xeográfica y técniques de prospección superficial. De la mesma manera, puede considerase la presentación en sociedá a escala internacional del proxectu romanarmy.eu.
El campamentu d’A Serra da Casiña (Valboa, Llión)
Xunto al artículu del nuestru compañeru José M. Costa, el númberu últimu de la Revista Arkeogazte contién un trabayu firmáu por miembros del nuestru equipu onde presentamos un estudiu preliminar d’un campamentu romanu o castra aestiua identificáu va poco nel sitiu d’A Serra da Casiña (Valboa, Llión).
Mirando d’afondar nel estudiu de les campañes militares d’Augusto n’Hispania
Les guerres cantabro-ástures son ún de los conflictos qu’espertaron más atención na historiografía española dende los sos inicios. Nos años últimos, los enormes avances producíos nel ámbitu de l’arqueoloxía militar romana supunxeron una transformación notable de los estudios sobre la materia. Sicasí, con frecuencia los análisis fueron positivistas abondo y nun afondaron nes dimensiones sociopolítica y cultural de la guerra.
Presentación del llibru “Las Guerras Astur-Cántabras”
El xueves pasáu, día 17 de diciembre, presentóse en Xixón el llibru Las Guerras Astur-Cántabras, que recueye les actes del Primer Encuentro Arqueológico de las Guerras Ástur-Cántabras que se celebrara nesta ciudá n’ochobre del 2014. La publicación ta coordinada por Jorge Camino Mayor, Eduardo Peralta Labrador y Jesús Francisco Torres Martínez, y el trabayu editorial foi obra de KRK Ediciones. El conteníu ye’l resultáu de les intervenciones de bien d’autores que tratanon les novedaes más recientes aportaes pola arqueoloxía sobre les Guerres Asturcántabres. Nós participamos presentando trés artículos que recueyen dalgunos de los xacimientos que localizamos en Galicia, Asturies y Llión nestos años últimos.
Una introducción
Esti ye’l trabayu que presentamos nel 23. Limes Congress, celebráu n’Ingolstadt (Alemaña) en setiembre del 2015. Ellí amostramos el resultáu d’una investigación desenvuelta estos años últimos alredor de la presencia militar romana nel Noroeste d’Iberia y cómo la perspectiva historiográfica sobre la materia tien cambiao gracies a técniques de teledetección como l’emplegu de la fotografía aérea y satelital, o’l revolucionariu LiDAR aéreo. Esti sitiu web presenta una visión nueva de les campañes militares romanes nel contextu de la conquista y reorganización posterior del Noroeste peninsular.
Anque l’audio del video ta n’inglés puedes cambiar l’idioma de los subtítulos a gallegu, castellanu y portugués seleccionando na ruedina d’engranaxe de la esquina inferior derecha. Al ser un video interactivu tamién puedes descargar arquivos KMZ con información gráfica adicional pa caún de los sitios arqueolóxicos de los que falamos. Has tener instaláu’l software Google Earth p’abrir y ver estos ficheros.
Nesta páxina tamién puedes ver destacaes dalgunes de les conclusiones más interesantes derivaes de la presentación pública d’estos diecisiete asentamientos militares romanos.