Día 1 na Mesa: Deixando os ollos en Cueiru

Andrés Menéndez e João Fonte enfróntanse a un dos momentos máis difíciles dunha prospección arqueolóxica de campamentos romanos. Pasar do modelo dixital visto no LIDAR (limpo, sen vexetación, no que os relevos se resaltan) a identificar o mesmo en superficie, con vexetación, cambios de luz. Están en Cueiru, un posible castra aestiva -un campamento temporal- dunhas cinco hectáreas, que parece presentar tamén un recinto interior difíciles dunha prospección arqueolóxica de campamentos romanos. Pasar do modelo dixital visto no LIDAR (limáis pequeno e que controla un estreito paso da vía da Mesa.

“Do LIDAR ao que se ve no xacemento cambia moito”, afirma Andrés Menéndez, un dos directores da intervención. “Aquí as estruturas vense pouco porque o seu desnivel está moi estendido e é moi difícil distinguir sobre o terreo”.


Joao Fonte y Andrés Menéndez confeccionando a microtopografía do sitio arqueolóxico.

Así que o noso equipo tivo que madrugar moito para chegar ao xacemento coas primeiras luces da mañá. Cueiru atópase a bastantes quilómetros do primeiro núcleo habitado. Tiveron sorte. Coa luz rasante “ven as sombras dalgúns noiros moi claros e, desde en fronte, parte da linea defensiva occidental”.

O equipo está a poñer un especial esforzo en recoñecer sobre o terreo todo aquilo distinguible para poder topografiarlo. O arqueólogo João Fonte é o responsable de dividir o enorme xacemento nunha cuadrícula que permite realizar a prospección superficial do terreo e anotar con máxima precisión a localización de cada achado na súa posición 3D. A maiores, “estamos a tentar facer unha microtopografía das zonas máis visibles para comparar co LIDAR”, sinala Fonte, que indica que o obxectivo é empregar distintas técnicas de levantamento e medición para obter información aínda máis detallada en campo que a que ofrecen as tecnoloxías de teledetección.

“O recinto superior está bastante máis amolado”, afirma Andrés Menéndez, que se está deixando os ollos para identificar calquera mínima alteración do terreo. A partir da cuadrícula que levantaron el e João Fonte, o resto do equipo busca en superficie materiais que poidan informar sobre a cronoloxía do xacemento, ademais da súa estrutura. Xa teñen os primeiros resultados nas súas mans. O xacemento está a falar. Pero o que conte saberémolo mañá.

Leave a Comment

O teu enderezo electrónico non se publicará Os campos obrigatorios están marcados con *


*