O Baixo Miño desde o Alto do Cervo
O Baixo Miño desde o Alto do Cervo

Campos emprázase no entorno de São Pedro da Torre (Valença, Portugal), á beira do río Miño. Aquí, os galegos construíron unha fortificación terreira de planta estrelada, o forte de San Luís Gonzaga, durante a Guerra da Restauração Portuguesa (1640-1668). Como estratexia para cortar o avance destas tropas en terras portuguesas, narran as crónicas que, equidistante a tiro de canón deste forte, os lusos construíron unha serie de atalaias e fortíns, dos cales polo menos un deles situaríase no lugar de Campos.

Continue Reading

SONY DSC

Aproveitando que hoxe (23/02/2016) sae á venta a última novela de Santiago PosteguilloA Lexión Perdida” -entrega final da triloxía dedicada a Traxano- cremos que esta é unha boa oportunidade para levar a cabo unha pequena reflexión sobre o papel que xogaron as novelas históricas na popularización do exército romano.

Continue Reading

portada5

As guerras cántabro-ástures son un dos conflitos que maior atención espertaron na historiografía española desde os seus inicios. Nos últimos anos, os enormes avances producidos no ámbito da arqueoloxía militar romana supuxeron unha notable transformación dos estudos sobre a materia. Sen embargo, con frecuencia as análises foron demasiado positivistas e non afondan nas dimensións sociopolítica e cultural da guerra.

Continue Reading

Campamento de Moyapán desde o ONO (12/2008)
Campamento de Moyapán desde o ONO (12/2008)

O campamento de Moyapán (Ayande, Asturias) aparecía de forma casual en 2007 mentres se observaba a fotografía aérea que cubría unha das zonas mineiras romanas máis importantes do occidente asturiano. Era o segundo recinto recoñecido en Asturias despois de El Picu Curriel.los (L.lena/Ayer) e o que abriu o noso camino na investigación da presenza do exército romano en Asturias e León.

Continue Reading

O pasado xoves, día 17 de decembro, presentouse en Xixón o libro Las Guerras Astur-Cántabras, que recolle as actas do Primer Encuentro Arqueológico de las Guerras Ástur-Cántabras‘0, celebrado nesta cidade en outubro de 2014. A publicación está coordinada por Jorge Camino Mayor, Eduardo Peralta Labrador y Jesús Francisco Torres Martínez, e o traballo editorial débese a KRK ediciones. O contido é o resultado das intervencións de varios autores que trataron as últimas novidades aportadas pola arqueoloxía sobre as Guerras Ástur-Cántabras. Nós participamos mediante a presentación de tres artigos que recollen algúns dos xacementos que localizamos en Galicia, Asturias e León nestes últimos anos.

lasguerras

Continue Reading

Este é o traballo que presentamos no 23. Limes Congress, o cal se celebrou en lngolstadt (Alemaña) en setembro de 2015. Amosamos alí o resultado dunha investigación desenvolta estes últimos anos ao redor da presenza militar romana no noroeste de Iberia e como a perspectiva historiográfica sobre a materia ten cambiado grazas a técnicas como o emprego da fotografía aérea e histórica ou o revolucionario LIDAR aéreo. Este sitio web presenta unha nova visión das campañas militares romanas no contexto da conquista e posterior reorganización do noroeste peninsular.

Aínda que o audio do vídeo está en inglés podes cambiar o idioma dos subtítulos a galego, castelán e portugués seleccionando na rodiña de engranaxe da esquina inferior dereita. Ao ser un vídeo interactivo. podes ademáis descargar arquivos KMZ con información gráfica adicional para cada un dos sitios arqueolóxicos dos que falamos. Precisas ter instalado o software Google Earth para abrir e ver estes ficheiros.

Nesta páxina podes ver tamén destacadas algunhas das conclusións máis interesantes derivadas da presentación pública destes dezasete asentamentos militares romanos.

Unha nova visión da presenza militar romana no NW de Hispania

Neste mapa podes ver a nosa proposta sobre a presenza do exército romano no NW de Hispania en 2015. Xunto a sitios xa investigados e publicados previamente, engadimos dezasete novas localizacións que amosan unha presenza máis densa dos continxentes militares romanos, posibles novas liñas de avance en Asturias e as primeiras aparicións de posibles campamentos de marcha no territorio da Galicia actual.

Un teatro de operacións no occidente astur durante as Guerras Cántabras

A nosa investigación amosa unha especial concentración de campamentos militares no occidente asturiano,seguindo os mesmos patróns de emprazamento que nos escenarios localizados en Cantabria e no oriente asturiano. Aínda que a bibliografía e as fontes históricas son moi parcas á hora de falar de escenarios bélicos nesta zona do occidente asturiano, as evidencias parecen indicar a existencia dunha vía de penetración que pode estar asociada ás Guerras Cántabras e á postguerra posterior.

Continue Reading

Unha vía de penetración do exército romano ao territorio galego

Detectamos unha potencial vía de penetración das lexións romanas no territorio da actual Galicia. Isto é historiograficamente moi relevante, porque os campamentos romanos escavados ata o momento en Galicia corresponden a fases posteriores ao escenario de conquista do noroeste. Nesta vía de penetración podemos identificar cinco campamentos, dos cales catro están na Galicia actual.

O primeiro dos campamentos é Valboa, no Bierzo, moi próximo a Villafranca, sobre a vía tradicional de acceso a Galicia.

Unha posible base loxística romana en Sarria

Como se ten detectado noutros puntos da Península, o exército romano podía empregar de forma reiterada un espazo en diferentes campañas ou acoller máis dun campamento, se ese lugar encaixaba no seu escenario táctico. A Chá de Santa Marta, entre Láncara e Sarria, constitúe un conxunto arqueolóxico único en Galicia, con alomenos tres posibles campamentos romanos no punto de saída das montañas orientais de Galicia. Puido ter funcionado como base loxística e de agrupación de tropas.

Os tres campamentos de A Chá de Santa Marta na foto aérea de 1956

Afrontando o cruce do río Miño

O campamento de Monte dos Trollos (O Páramo, Lugo) está ubicado nunha posición estratéxica, no alto dunha lomba, e xusto nas proximidades dun vado natural do río Miño. A súa distancia con respecto a A Chá de Santa Marta é exactamente a un día de camiño.