O campamento de Moyapán (Ayande, Asturias) aparecía de forma casual en 2007 mentres se observaba a fotografía aérea que cubría unha das zonas mineiras romanas máis importantes do occidente asturiano. Era o segundo recinto recoñecido en Asturias despois de El Picu Curriel.los (L.lena/Ayer) e o que abriu o noso camino na investigación da presenza do exército romano en Asturias e León.

Os castra aestiua (campamento temporal de marcha) de Moyapán ocupan un pico de 1.075 metros sobre o nivel do mar, controlando o paso pola serra de Carondio e dominando visualmente a zona mineira do val de Bustantigo. A súa situación permitiu unha moi boa conservación dos taludes que trazan o perímetro defensivo nas súas caras Noroeste e Suroeste, que teñen arredor de un metro de altura. Polo Noreste as defensas compóñense dun talude que destaca menos en altura e polo Sureste aprovéitase a caída natural do monte, de pendente máis acusada que nos restante lados. O noso traballo de prospección superficial mostra a presenza de dous posibles accesos con clauiculae (en los lados Noroeste y Suroeste), un sistema de protección das entradas moi habitual nos campamentos romanos.

Trátase dun recinto moi pequeño, de só 1,5 ha de superficie, o que o afasta dos outros campamentos hoxe coñecidos no occidente asturiano, que adoitan rondar entre 4 e 10 ha. O seu dominio directo sobre as minas de Bustantigo lévanos propoñer, como hipótese de partida, unha relación entre os dous elementos. Neste sentido, a participación do exército romano na xestión e organización da mineiría é ben coñecida. Aínda así, non descartamos a súa pertenza a un momento anterior, en relación coas accións de conquista dos años 26 – 22 a.C. Tristemente, a sondaxe aberta durante o seguimento arqueolóxico das obras de construcción dun parque eólico en 2009 non aportou máis datos sobre a súa cronoloxía ou función. A excavación foi coordinada por Luis Blanco Vázquez.