Caderno de campo, Sitios

Romanarmy en acción: investigamos dous posibles campamentos en La Mesa

• Trátase dos recintos de El Xuegu la Bola (Arvechales, Somiedo) y Cueiru (Taxa, Teverga), ubicados a 1700 e a 1440 metros de altitude, sendo os sitios arqueolóxicos militares romanos a máis altitud da Mesa.
• No proxecto interveñen arqueólogos de diferentes institucións científicas españolas e europeas vinculados ao grupo romanarmy.eu
• A difusión dos achados farase en tempo real a través das redes sociais, nun experimento de divulgación científica

Comprobar a cronoloxía e a adscrición romana de dous importantes recintos militares da vía da Mesa, un dos principais itinerarios de entrada a Asturias desde hai miles de anos, é o principal obxectivo da campaña de prospección que se inicia este domingo e durará ata o luns 10 de outubro. Un equipo científico conformado por arqueólogos do Instituto de Ciencias do Patrimonio (INCIPIT) do CSIC, das Universidades de Oviedo e Santiago de Compostela, así como das universidades de Durham e Exeter (Reino Unido) e Amsterdam (Holanda) atópase xa sobre o terreo realizando as tarefas de prospección arqueolóxica. A dirección do proxecto é levada a cabo polos arqueólogos Andrés Menéndez Branco, José Manuel Costa e David González.

Divulgación en tempo real
Unha das principais novidades da campaña arqueolóxica é a vontade de difusión e retransmisión en tempo real dos traballos arqueolóxicos, aproximando desta maneira a metodoloxía e a práctica científica aos cidadáns. A comunicación realizarase nas redes sociais, no facebook de Roman Army (www.facebook.com/romanarmynw) e na web corporativa do grupo: www.romanarmy.eu e facilitará a todos os interesados seguir os avances en canto ao recoñecemento dos xacementos e á súa interpretación. A través de formatos didácticos, ensaiaranse novos procedementos e estratexias de comunicación científica dirixida ao público xeral.

Continue Reading

Publicacións

28144335740_3505877b27_o
Imaxe por cortesía de TEDxGalicia (CC BY-NC-ND 2.0)

O pasado día 16 de xullo celebrouse na Cidade da Cultura (Santiago de Compostela) o TEDx Galicia 2016. Coa temática “De que está feito o futuro?” o evento pretendía reflexionar acerca da importancia que teñen o pasado e o presente na configuración do futuro e, por tanto, da nosa propia responsabilidade no seu deseño. Durante toda a xornada, varias intervencións permitiron explorar variadas visións do cotiá, procurando abrir o enfoque que temos da realidade e intentando definir cara onde camiñamos como individuos e como sociedade.

Continue Reading

Publicacións

Páginas desdefolleto_romanarmy

O pasado día 12/05/16 o Consello da Cultura Galega acolleu a quinta Xornada dos Encontros Monográficos  co Patrimonio Cultural. Os compañeiros José Costa, Manuel Gago, Andrés Menéndez e João Fonte presentaron o proxecto Romanarmy.eu mediante catro ponencias. A continuación, tivo lugar un interesante coloquio co público asistente e cos coordinadores do evento, Rebeca Blanco-Rotea e Iago Seara, membros da Sección de Patrimonio e Bens Culturais do Consello. Por xentileza do Consello da Cultura Galega, deixámosvos aquí o vídeo das Xornadas ao completo ou, se preferides, podedes pinchar nas imaxes para acceder directamente ás partes que vos interesen.

Continue Reading

Publicacións, Sitios

Fonte_et_al_GeniusLoci_final_1

Lino Tavares Dias e António Baptista Lopes referen a existencia dun campamento militar romano no alto da Serra do Marão (Portugal), definido por un recinto rectangular ao que estaría asociada unha torre de planta cuadrangular. Este posible campamento (o único catalogado como tal no Norte de Portugal) é identificado por unha inscrición gravada sobre un penedo que se localiza nas proximidades: Castra Oresbi. Con todo, a exigüidade dos datos arqueolóxicos presentados fixo que algúns autores (como C. M. Martins) discutisen esta interpretación.

Continue Reading

Publicacións, Técnicas

Menendez_et_al_Tras_las_huellas_Genius Loci_pt2

Logo de varias experiencias investigadoras en diferentes zonas do noroeste ibérico valoramos as potencialidades e limitacións de diversas técnicas nun amplio rango de terreos, testándose de maneira eficiente a súa utilidade para a prospección arqueolóxica. Neste traballo, presentado durante el congreso Genius Loci: lugares e significados, mostramos e abrimos a debate unha proposta metodolóxica para a detección y estudo de restos estruturais relacionados coa presenza militar romana neste territorio. Continue Reading

Publicacións, Técnicas

Páginas desdeAARGnews52

O último número da revista AARGnews, que edita o Aerial Archaeology Research Group (AARG), recolle un novo artigo asinado por todos nós. Nel preséntase a metodoloxía que vimos aplicando para a detección e estudo dos asentamentos militares romanos na península ibérica, combinándose fotografía aérea histórica e recente, imaxes por satélite, LiDAR aéreo, Sistemas de Información Xeográfica e técnicas de prospección superficial. Así mesmo, pode considerarse a presentación en sociedade a escala internacional do proxecto romanarmy.eu.

Continue Reading

Historias, Sitios

port

5 de xuño de 1921. España asiste con certo sopor á escalada de violencia colonial que culminará no famoso desastre de Annual. A situación, como cabía esperar, resoa como un eco aínda máis afastado na Galicia rural, onde os últimos días da primavera non coñecen máis revolución que os esporádicos chuvascos. Non obstante, o apacible lugar de “A Cibdade”, situado na ribeira norte do río Limia, recibe unha poco frecuente visita. Nesta ocasión non acoden a remover a tierra soamente os veciños de Portoquintela ou Baños de Bande, senón que se aproximan ademais catro figuras particularmente ben vestidas. Trátase dos ourensáns Ramón Otero Pedrayo, Florentino López Cuevillas y Vicente Risco, destacados intelectuais galeguistas. Aproxímanse na compaña do abogado Farruco Pena, natural do municipio de Bande.

Continue Reading

Historias, Sitios

O Baixo Miño desde o Alto do Cervo
O Baixo Miño desde o Alto do Cervo

Campos emprázase no entorno de São Pedro da Torre (Valença, Portugal), á beira do río Miño. Aquí, os galegos construíron unha fortificación terreira de planta estrelada, o forte de San Luís Gonzaga, durante a Guerra da Restauração Portuguesa (1640-1668). Como estratexia para cortar o avance destas tropas en terras portuguesas, narran as crónicas que, equidistante a tiro de canón deste forte, os lusos construíron unha serie de atalaias e fortíns, dos cales polo menos un deles situaríase no lugar de Campos.

Continue Reading